Vår Politikk 2023 - 2027

Fastlandssamband og Næringsliv 

Møreaksen vil knyte regionane i fylket samen til eit stort bu- og arbeidsmarknadsområde. Aukra Arbeiderparti vil framleis arbeide målretta og aktivt for at Møreaksen blir fullført, med bru over Kjerringsundet, snarast råd. Vi støttar SVV si vurdering i at vegen til Nyhamna bør være riksveg. Fram til det vært beslutta, fortsett vi med å sette av midlar til bygging av bro over Kjerringsundet sjølve.

Ifølge NHO sitt «Kommune-NM», basert på KOSTRA-tall, ligg Aukra etter på næringsvariasjon samanlikna med resten av fylket. Aukra Arbeiderparti vil jobbe for at det blir etablert nye typar næringar og bedrifter, samstundes som vi satsar aktivt på det allereie etablerte næringslivet i kommunen. Vi har stor tro på at ein aktiv næringspolitikk vil være det beste for samfunnet og næringslivet vårt.

Aukra Arbeiderparti vil at kommunens rike naturressursar skal utnyttas med sikte på størst mogleg lokal verdiskaping og lønnsame arbeidsplassar i heile kommunen. Deriblant vil vi jobbe for at en framtidig hydrogenfabrikk skal bli etablert her i kommunen.          

Trygg økonomisk styring

Aukra kommune har fullført mange store og små investeringsprosjekter takka vore inntektene frå eigedomsskatten. Vi har på plass nybygg eller oppgraderingar for både barnehagar, skolar, omsorgssenter og kulturhus. Det neste store er sjølvsagt realisering av Kjerringsundet. Aukra kommune sett av 100 millionar årleg på fond for det.

Frå 2023 skal og renter frå avsetningane leggjast til fondet, i staden for at desse midlane går inn i drifta av kommunen. For å kunne oppretthalde noverande nivå på tenestene kommunen tilbyr, må kommunen spare pengar der ein kan. Vi vil være selektiv på framtidige investeringar, både små og store, slik at vi på den måten kan vi oppretthalde tenestenivået i kommunen.

Helse, oppvekst  og Omsorg

Aukra Arbeiderparti vil ha ein tilpassa og verdig omsorgsteneste, som tek vare på tryggleiken og omsorgsbehova i alle livets fasar. Vi vil òg undersøke om økt grunnbemanning på sjukeheimen kan styrke rekruttering og redusere behov for innleie.

Vi ynskjer å bidra til å snu ei samfunnsutvikling der stadig fleire kjenner seg einsame og utanfor. Noko ein kan gjere med å styrke arbeidet for psykisk helse, samt å drive førebyggande rusomsorg.

Aukra Arbeiderparti arbeidar for fortsatt full barnehagedekning i kommunen, med fleksible barnehageopptak. Vi ynskjer og at det blir eit tilbod om foreldrerettleiing i barnehage og skule. Vi er glad for at det har blitt ein auke i lærarnorma i skulen og vi støttar arbeidet med etter- og vidareutdanning av lærarar.

Aukra Arbeiderparti såg at det var utfordrande økonomisk å ha born i både barnehage og SFO. Difor fekk vi innført syskenmoderasjon, på lik linje som når ein har fleire born i barnehagen.

Vi har hatt fokus på heiltidskultur, noko som har gjort at Aukra kommune er ein av dei beste kommunane på å tilby heile stillingar. Vi støttar arbeidet som gjerast med inkluderande arbeidsliv og ser at det er viktig at tilsette med helseutfordringar får nytta sin restarbeidsevne. Dette vil vi fortsatt arbeide med, i tillegg til at vi vil fortsatt ha fokus på at kommunen skal være ein god arbeidsgjevar som tilbyr eit godt arbeidsmiljø for sine tilsette.

Aukra Arbeiderparti vil sikre eit godt førebyggjande barne – og ungdomsarbeid i kommunen med ungdomsLOS. Aukra skal fortsatt vere ein MOT-kommune.

Raust og inkluderande lokalsamfunn

Aukra kommune har folkevekst – og Aukra Arbeiderparti ynskjer å bidra til eit raust og inkluderande lokalsamfunn. Vi er positiv til at Ona og Sandøya kan bli innlemma i Aukra kommune ved ein grensejustering. Vi er glad for at Aukra kommune har støtteordningar for frivillige lag og organisasjonar. Vi vil sjå på korleis kommunen kan vidareføre samarbeidet med pensjonistlaget om digital kafe for eldre med å sette av midlar til dette.

Vi trur at kjennskap til kvarandre, skaper samhald, identitet og tilhøyrsle. Vi ynskjer at alle som bur her skal vere stolte av kommunen vår. For å få til dette trengs det fleire møteplassar i heile kommunen, både kafe i Julsundet og pub på Gossen er etterspurd. Kommunen skal ikkje være den som driver slike tilbod, men vi vil være med på å legge til rette dersom nokon ynskjer å starte opp. For oss er det viktig at pengar ikkje skal styre kva ungdom og andre kan delta på. Vi vil bidra til at Ungdomsklubbane våre vert styrka.

Aukra kulturhus og basseng har vorte alt vi håpa det skulle bli. Både kulturhuset og frivilligsentralen er motorar for fellesskap – og vi vil legge til rette for at alle i større grad får delta på aktivitetar her. Vi har eit ynskje om å knyte øyane og fastlandet nærare saman.

Vi ynskjer framleis å bidra til rammevilkår for Aukra Sokn som gir moglegheit for god aktivitet. Kyrkja er ein del av arvesølvet vårt, som vi ynskjer å ivareta. Vi ser at det er behov for eit sambrukshus i Julsundet for kyrkelege og trusaktivitetar, gjerne med eigen gravplass om det er mogleg.  Tradisjonane kring gravferd er i endring og difor vil vi undersøke korleis det kan leggast til rette for at ein kan ha minnelundar i kommunen, både på kyrkjegarden og i Julsundet.

Vi vil ha fokus på at bustadbygging i større grad kan skje i heimbygda om infrastrukturen legg til rette for det. Eigedomsskatteinntektene gjer at vi har fått bygd ut mange gang- og sykkelstiar, dette er eit arbeid vi vil jobbe vidare med. Det er naturleg at ein samtidig legg ned fiber ved gravearbeid og ved nye byggefelt.

Aukra Arbeiderparti har eit høgt fokus på trafikktryggleik i heile kommunen. Vi ser at det er utfordringar med sikkerheita på fleire kryss, spesielt opp til skulen/fleirbrukshuset i Julsundet og til Berglia på Gossen. Aukra Arbeiderparti jobbar for at kommunen skal fortsette dialogen med fylkeskommunen for å få til ei løysing for desse kryssa. I tillegg ynskjer vi å undersøke å få redusert fart forbi Eidskremsfeltet, samt å sjå på moglegheitene for auka trafikksikring både her og for andre trafikkfarlege kryss i kommunen.

Eit miljøvennleg samfunn

Forureining er ein av dei største truslane menneskeheita står ovanfor, der forureining er noko som truar dyrelivet både på land og til havs. Vi vil difor at Aukra kommune skal gå fram som eit godt eksempel med å redusere avfall, spesielt plastavfall.  Vi støttar arbeidet med å knytte opp kommunale bygg til energisentralen på Falkhytten som nyttar jordvarme. Dette er både miljøvennleg og økonomisk lønsamt. Aukra Arbeiderparti ynskjer å legge til rette for at ein kan ta miljøvennlege val i kvardagen, bl.a. vil vi fortsatt jobbe opp mot kraftleverandørar for å undersøke moglegheita for ein utbygging av straumnettet, slik at ein kan få ei raskare lading av elbil heime.

Aukra kommune har ein unik natur med fjell, fjord, myr, holmar og hav.  Vi vil forvalte dette på ein måte som gir både nolevande og framtidige generasjoner mulegheit til naturopplevingar, og ivareta  naturtypar og kulturlandskap.  Aukra Arbeiderparti vil arbeide for å forbetre og vedlikehalde dei mange turstiane vi har i kommunen.